ولاد الشياطين

حملجة وتنطيط ودماغه م الفضا مليانة بطابيط
تنبله وتفكير بإستراتيجية القرنبيط
عايش منفض ومكبر ومدي الحياة سكة عبدو العبيط
ومفلس مطنش فهلوي مخربش مدغمش
عالة على العوائل مهمش كل حاجة ليها علاقة بأي حاجة
تبع التفكير
مدملج دماغه بحتة حشيش عايش حايته لكلمة مفيش
وريث الخطايا عبد الجنيه والكبير والحريم والرغيف
مزامل شيطانه ولحابيبه كان حليف
إلف أليف
مبوظ عمره وعايش كأنه بهيم في حظيرة
مأنيح في جزيرة
ولا في حد حياته يملاها عليه ونافخ نفسه زي البلالين
أصله طرد أي مرض يحمل إسم البني أدمين
وقرر يكون م المتوحدين
يأنتم مع عفاريته ولاد الشياطين