المـــزيـرة

المَـــزْيَـرَة*

المزيرة غول كل العيال في المقطم
ولأحلام أطفال كتير كانت بتحطم
المزيرة بلعت في بطنها إتنين وتينتين
واد مسكين
بلعت أحلام
بلعت اوهام
بلعت ناس فقرانين
بلعت أمل
بلعت حياة
سحبت في بطنها ناس بتشقى في الحياة
بلعت نهار
بلعت ليل
قضت على حلم كان جميل
بلعت طفل
بلعت شيخ
بلعت شاب
بلعت ضيف
بلعت غريب
بلعت قريب
بلعت من كل الأشكال نصيب
وما خلتش على ضهرها حد ما خاف
وكله الأن شاف
إن مصيره في يوم يكون في قلبها
مبلوع في بطنها
ومحدش عارف مين راح يكون
في بطن المزيرة

* منطقة حقيقية في المقطم وتروى عنها قصص يؤمن بها أهل المنطقة