القرداتي تلاقيه يوماتي
ع التلفزيون
مقضياها ساعاتي
نصب ف كام مليون
يبوس ايد
السيد والعبيد
ملوش كلام
منافق قوام
يعيش لاجل الجنيه
أصله ديل البيه
يبيع الوطن
يطاطي يبوس الجزم
عشان يطلع درجة
ولا يلحقله نصبه
وأتريه حلنجي
بياع كلام لسانجي
تاخد كلامه تحسه أونطجي
تاخد وعده تحسه حوارتجي
ويضحك على ده وديه
ويثبت من ده وديه
يهبش قرش
يضرب كرش
يسرق وينسى
تقوله فااااكر
يقولك ما افتكرش
يشوف المال
يصبح كيف الونش
يشوف يتامى أطفال
يقولك ما بيشتغلش
وإذ به السيد الموقر في شاشات التلفاز
في البرلمان كلامه تقول معارض حريقة جاز
ومن ورا الكاميرا يظهر الخسيس
حيث أنه ديل ليس إلا سيس
عبيط في رأيه
وأهبل في قوله
ولما يخطب يعدوا ديوله
مريض نفسي بمرض خطير
أعراضه من ضمنها
مفيش ضمير
شرف مروءة وجدعنة
كله .. كله يطير
No comments:
Post a Comment