ده انا بحبك

ليه يا مصر تقسي عليا
انا ابنك وخيرك عليا
من زمان
جاية
دلوقت تبقي عليا
قوية
وقاسية
ليه يا مصر
ده انا ابنك
انا اللي من قلبي بحبك
انا ابنك
اللي بنالك السد
الهرم من الاف السنين
شهدلك
ان ابنك بيحبك
يا مصر انتي بقتي قاسية ليه
ترميني من فوق عمارة ليه
تموتيني ف حادثة ليه
ليه بقيتي عاوزة تقتليني
عاوزة تحرقيني
او ف العبارة تغرقيني
ليه يا مصر ده انا بحبك
انا ابنك
انا اللي هشيل همك
انا يوم العدوان
هدفع دمي
ضريبتك

يا مصر انا انسان
زي الناس اللي ف أي مكان
عايشين في سعادة أو ف حرمان
بس بحبك
مش زيهم
ممكن يكونوا هما من أي مكان
بس انا حتة منك
ده انا إبنك
يا مصر ضهري إتهد
قبل ما يجي معاد الجد
من الهموم بفكر
لحد ما بقيت شايل هم
كل حد

يا مصر ليه بقيتي جبارة
وبولادك غدارة
إزاي الأم البارة
تقسى على ولادها
وترميهم في البحر دول سندها
يا مصر بلاش تحرميني
من حبك
بلاش تعذبيني
على أرضك
بلاش تدبحيني بسكين عشقك
ده انا بحبك